LandaBloga - Landazuri HLHI

Korrika Txikia ailegatu da! Gaurko egunean, martxoaren 21ean, petoak, dominak eta zapiak jantzi ditugu eta euskararen aldeko festan egon gara. Harro Herri lelopean korrika egin dugu! Harro herri Hona gu euskaldunak Euskararen lagunak Hats eta izerdi   Eskerrik asko egun polit honetetan Landazuri hezkuntza komunitatera batu zaretenoi! Gora Landazuritarrak!   

Gaurko egunean, martxoaren 8an, Nazioarteko Emakumeen Eguna izan dugu Landazurin. Goizean goiz eskuak eta irriak astindu ditugu! Haur Hezkuntzako eta Lehen Hezkuntzako geletan ekimen anitzak martxan jarri dira. Baita ere, familiak gerturatu dira haien aztarna uztera.   Eskerrik asko elkarrekin eraikitzen jarraitzeagatik!

Gaurko egunean bisita polit bat izan dugu! Alazne eta Lady Ara!Gorputz eta Wayra elkartetatik etorri dira opari berezi batekin. Familan asko gara liburua ezagutu dugu eta asko gustatu zaigu. Eredu eta bizipen anitzak ikusi ditugu. Zuen esperientziak oso baliagarriak izan dira, mila esker!   Eskerrik asko sorpresagatik! Hurrengora arte!

  Lehen Hezkuntzako 6. mailako ikasleek Zuhatza irlara ikasturte amaierako txangoa egingo dute. Aurreko zozketan saritua ez zenez agertu, oraingoan 3 zenbaki berri atera ditugu. 1.go zenbaki saritua duenari astebeteko epea emango diogu saskia jasotzeko. Ez badu jasotzen, hurrengo zenbakira pasako da.

Otsailaren 8an Ostegun Lardero ospatu genuen eta gaurko egunean, otsailaren 9an, Inauteriak egin ditugu. Landazuriko pasabideak irriz eta kolorez bete ditugu beste behin.   Aurten euskal inauteriekin batera, historia aroak landu ditugu. Asko ikasi dugu erronka berri honekin eta primeran pasa dugu elkarrekin ospatzen. Eskerrik asko hurbildu zareten familia eta lagun guztiei!

Otsailaren 8an Ostegun Lardero ospatu dugu Ramon Bajo eta Goianekin batera. Zanpantzarrek Gasteizko kaleak girotu dute.   Andra Mari Zuriaren plazan gure irriak atera ditugu. Ondoren kalejiran bidelagunak egin ditugu eta ederto pasa dugu. Eskerrik asko Ostegun Lardero elkarrekin ospatzeagatik! Zurrunbon hor konpon!

Landazurin eskolaz kanpoko ekintzen artean, IGEk, Wayra Elkarteak eta Gasteizko Udalak asteartero eta ostiralero ikasleak dantzan jartzen dute. Eskolaz kanpoko ekintzan musika eta dantza modu ludikoan eta esanguratsuan lantzen da. Hurrengo bideoan ekintzan egindako aurrerapenak ikusgai ditugu: Eskerrik asko zuen lanagatik!