LandaBloga - Landazuri Ikastola

Azaroaren 25a ailegatu da Landazurira. Hezkuntza zentroak jarrera irmoa dauka indarkeriaren aurrean. Landazurin ez dugu emakumeen kontrako indarkeriarik onartzen eta hori azaleratzeko aste honetan dinamika ezberdinak egin ditugu.  Haur Hezkuntzako eta Lehen Hezkuntzako geletan jorratu dugu eta gaurko egunean puxikekin eguna kolorez bete dugu. Urrats txikiak urrats handiak dira. Eskerrik asko parte hartzeagatik!

Gaurko egunean, azaroaren 20an, Landazuri Ikastolako ateak ireki ditugu. Igande euritsua izan arren, tantaka jendea hurbildu da irribarre polit batekin. Zehar-Errefuxiatuekin elkartearekin batera, eskolako eta auzoko eragileak batu gara. Ikasleak, familiak, hezkuntza langileak, jantokiko begiraleak, Errotagintza, etab. elkartu gara bazkari bat egiteko asmoz. Xede nagusia izan da kulturarteko bizikidetzaren zurrumurru arrazistak eta xenofoboak zalantzan jartzea. Are gehiago, egun zoragarria pasa dugu hezkuntza komunitatea osatzen dugun pertsona guztiok. Eskerrik asko Landazurira gerturatu zareten guztioi! Hurrengo urtera arte!

  Arratsalde on! LH 5. mailakoak gara. Egun hauetan Elkarbizitza tailerra egiten egon gara. Gure artean bizikidetza zaindu eta sustatzeko teknikak ikasi ditugu. Asko gustatu zaigu, dibertigarria eta hezigarria izan da. Pasa den astean 6/9ren teknika ikusi genuen. Hausnarketa honekin geratu gara; “Arazo baten aurrean, batzuetan arrazoia izateak ez du esan nahi beste pertsona oker dagoenik. Gertatzen dena da ez duzula bizitza bere aldetik ikusten”   Orain praktikan jarri beharko dugu! Elkarlana sustatzeko joko bat egin dugu; KINBALL izenekoa. Irabazteko guztion artean lan egin behar genuen eta denok taldean aritu ginen hori lortzeko.  Aste hauetan lan bikaina egin dugu.  Bideotxo bat sortu dugu Kinball zertan datza zuei erakusteko.  Mila esker Nagore eta Ane gurekin jolasteagatik.  LH 5. mailakoak.  

Aste honetan bisita berezia izan dugu Landazuri Ikastolan. Lehen Hezkuntzako 1., 2. eta 3. mailako familiak eskolara etorri dira eta matematikako EABA metodologian trebatu dira. Ikasgela bete dugu eta dantzan jarri ditugu regletak, polikuboak eta geoplanoak!     Eskerrik asko elkarrekin Hezkuntza Proiektua eraikitzeagatik!    

Kaixo lagunak!! Bi urteko gelan paperarekin esperimentatzen egon gara eta zelako anabasa sortu dugu!! Asko izan ziren gure leihora harrituta hurbildu zineten eskolako lagunak, berriro bi urte izan nahi?? 😆 Era berean, paperarekin ekintza ezberdinak egin ahal ditugula ikusi dugu (jaurti, apurtu, tolestu, bolak egin, elementu ezberdinen barruan sartu...). Disfrutatu bideoaz! 

 Kaixo lagunok, Ostiral arratsaldetan, eskolan gauza ezberdinaak egiten haritu gara aste hauetan: sukaldaritza, yoga, eskulanak, IKTak, ahozkotasuna etab.    Jarraituko dugu kontatzen zer moduz doan dena, bitartean ondo pasa zuek ere :)

 Kaixo lagunak! Begira HH3 gelakoak zeinen ongi gabiltzan.